【本報訊】連日來不同專業界別發起聯署反對政府強推修訂《逃犯條例》，醫學界也不例外。該界別30名特首選委，上周四至今已收集逾300名醫生署名；連同另外兩個醫護界別及醫學生聯署，最少逾千同業實名反送中。選委之一、真普選醫生聯盟成員彭潔儀表示，修例後願意點出內地醫療問題真相的人，隨時可被安插莫須有罪名送返大陸受審；作為有良知的醫生，不應默不作聲，否則當真相永遠石沉大海，醫生再無法準確斷症、治療。
修例後難揭內地醫療問題
醫學界三大反修例聯署，分別由「一群關心香港的醫護人員」、港大學醫學生自發組織「青醫匡時」，及醫學界特首選委發起，三個聯署各有最少400人參與。彭表示，眾選委非常希望以醫生身份表態，「起碼畀啲唔太關心嘅市民諗諗，點解連醫生都要出嚟反對？」她指出，雖然醫生很難會得罪內地政府或無故成為逃犯，但是次修例形同打開大門，讓內地肆意安插各種莫須有罪名，消滅所有講真相的人。她指當人人不講真相、醫生無法得悉真相，就無法斷症、治療，整個行業從此崩壞，「例如大陸有好多藥物問題、行醫問題、疫苗安全問題，2003年SARS，就係大陸首先隱瞞疫情……當所有願意點出問題、講出醫療問題原因嘅人都被噤聲，問題長此下去，最終都係損害市民健康」。
特首林鄭月娥曾聲言沒理由要放棄修例，彭潔儀認為反對者已清楚指出，當初其實不用修例都可處理陳同佳案，把陳送返台灣受審；但林鄭執意修例，反導致台灣表明不會接手處理，是利用死者家屬同情心完成政治任務，「（林鄭）係好虛偽同殘忍」。
她又對林鄭硬銷方案的理由非常反感，「成日話反對聲音都係唔了解，咁就好好笑囉，好滑稽，你寫啲嘢出嚟然後話人唔了解，但全世界只有你自己了解，呢種係點樣嘅溝通、點樣嘅文字呢？如果咁樣嘅文字都竟然可以成為法律條文，咁請問係點樣嘅法治呢？法律系學生係要法律學者同教授去教，如果連佢哋都唔認識，請問成個過程仲可以點執行？係咪林鄭自己講就得？因為得林鄭至明白吖嘛，咁其實同以前做皇帝冇分別，完全唔係法治」。
至於一直未就《逃犯條例》修例表態的立法會醫學界議員陳沛然，昨出席業界晚宴時表示，自己立場明確反對修例，6.9亦會參加遊行。記者問他是否呼籲醫學界參與遊行，陳回答「算係」。
■記者于健民
特首林鄭月娥曾聲言沒理由要放棄修例，彭潔儀認為反對者已清楚指出，當初其實不用修例都可處理陳同佳案，把陳送返台灣受審；但林鄭執意修例，反導致台灣表明不會接手處理，是利用死者家屬同情心完成政治任務，「（林鄭）係好虛偽同殘忍」。
她又對林鄭硬銷方案的理由非常反感，「成日話反對聲音都係唔了解，咁就好好笑囉，好滑稽，你寫啲嘢出嚟然後話人唔了解，但全世界只有你自己了解，呢種係點樣嘅溝通、點樣嘅文字呢？如果咁樣嘅文字都竟然可以成為法律條文，咁請問係點樣嘅法治呢？法律系學生係要法律學者同教授去教，如果連佢哋都唔認識，請問成個過程仲可以點執行？係咪林鄭自己講就得？因為得林鄭至明白吖嘛，咁其實同以前做皇帝冇分別，完全唔係法治」。
至於一直未就《逃犯條例》修例表態的立法會醫學界議員陳沛然，昨出席業界晚宴時表示，自己立場明確反對修例，6.9亦會參加遊行。記者問他是否呼籲醫學界參與遊行，陳回答「算係」。
■記者于健民