2017年1月27日 星期五
2017年1月19日 星期四
(蘋果) 【李八方online】趕返立會就休會 Pierre陳：賠了報到又折Q
特首梁振英最後一次嘅施政報告答問大會，最終喺梁國雄同劉小麗先後被趕離場，場面混亂下休會收場。休會之後，八方見到醫學界陳沛然Pierre匆匆趕至，得悉冇得開會一臉無奈。
(蘋果) 自願醫保拖足5年無影
【本報訊】特首梁振英過去5年施政報告都有提及的自願醫保計劃，本屆政府將無法推出。梁振英於競選政綱已提出以稅務優惠鼓勵市民買醫療保險，之後每年施政報告都有提及，如2013年指會提交醫保計劃建議，但延至2014年才就自願醫保作公眾諮詢，本月初才公佈諮詢報告及最新方案。昨日施政報告又再舊調重彈，指將落實自願醫保細節及提供扣稅。消息人士表示，要待政府全盤落實自願醫保細節，最快明年財政預算案才公佈具體扣稅安排。
2017年1月16日 星期一
(蘋果) 隔牆有耳： 陳沛然講古𠱁囡 反被投訴
呢屆立法會唔少議員都係湊女公，包括有3個囡囡嘅醫學界陳沛然Pierre，以及有兩個囡囡嘅港島區民建聯張國鈞Horace。趁住全港兒童故事演講比賽2017噚日開始，港台邀請佢哋父女檔喺直播節目講故事。
2017年1月15日 星期日
(蘋果) 【李八方online】陳沛然點解要同囡囡玩手指？
陳沛然(左一)同張國鈞(右三)同屋企人齊齊亮相講故事節目。(左起陳沛然及三女凱霏、大女凱晴、陳太、二女凱嵐、以及張國鈞二女苡喬、張國鈞、張國鈞大女梓喬及張太。港台提供圖片
呢屆立法會唔少男議員都係湊女公，包括有三個囡囡嘅醫學界陳沛然Pierre，以及有兩個囡囡嘅港島區民建聯張國鈞Horace。趁住「全港兒童故事演講比賽2017」今日開始，港台就邀請呢佢兩位父女檔上陣，一齊喺直播節目講故事。
講故事對Pierre嚟講應該冇乜難度，佢嘅大女、9歲嘅凱晴同二女、6歲嘅凱嵐都鍾意睇英文書，平時一家人出街搭巴士唔睇得書時，就會講古怪故事，而二女爆like搞笑故事，臨瞓前都要佢講嚟笑一笑，而佢都畀囡囡投訴過講嘅故事唔夠特別、唔夠搞笑。Pierre節目中原本solo講一個自私大毛熊嘅故事，囡囡話要一齊講，最終聲演小兔仔。
至於Horace嘅大女梓喬同細女苡喬，分別4歲同3歲，同樣都鍾意睇故事書，佢話囡囡喺佢返屋企時，會排晒隊拎幾本書圍住自己，要佢講故事，大女今日則大讚爸爸講故仔有100分、即係滿分喎。
呢兩位Daddy今日喺節目直播期間都幾忙，皆因要邊講故事邊湊女，兩個幼女都要爸爸抱住，Pierre仲要同細女玩手指，等佢有耐性等到做完節目
/cloudfront-ap-northeast-1.images.arcpublishing.com/appledaily/QNBUAJPYXWHYUAMADZSOB4VTPA.jpg)
張國鈞細囡節目期間都要爹哋抱。
/cloudfront-ap-northeast-1.images.arcpublishing.com/appledaily/MF4G5A7QLZ6RO4GEHGHXUCHL3I.jpg)
陳沛然就同細女話手指，等佢有耐性等節目完。
2017年1月14日 星期六
(蘋果) 隔牆有耳： 陳沛然爛gag搞民望高
立法會財委會噚日傾下屆問責官員加人工，唔使估都知梗係好大反彈啦，事關3司12局合共15人之中，有一位教育局局長叫做吳克儉，單係佢一個已經成為反對加人工嘅一大理由。當然有建制派就搬民望高嘅食衞局局長高永文出嚟，但係隨即俾醫學界陳沛然用妙論擊倒。
2017年1月12日 星期四
2017年1月11日 星期三
(蘋果) 隔牆有耳： 猛人賀肥馬女婿開診所
唔少人都知，港鐵主席馬時亨嘅愛女馬露明嘅另一半，係放射科專科醫生劉仲恆Kevin，原來肥馬呢位女婿踏入新一年，即刻有新搞作，拍住鄭文輝醫生，喺中環娛樂行開設「全仁醫學診斷中心」，星期六（14日）下午舉行開業茶會，邀請各界友好光臨。
八方睇過主禮嘉賓名單，真係星光熠熠。肥馬當然要出席支持女婿啦，食物及衞生局局長高永文亦好畀面，親自到場支持，更厲害嘅係名醫雲集。
八方睇過主禮嘉賓名單，真係星光熠熠。肥馬當然要出席支持女婿啦，食物及衞生局局長高永文亦好畀面，親自到場支持，更厲害嘅係名醫雲集。
2017年1月10日 星期二
2017年1月5日 星期四
2017年1月3日 星期二
訂閱：
文章 (Atom)