唔少人都知，港鐵主席馬時亨嘅愛女馬露明嘅另一半，係放射科專科醫生劉仲恆Kevin，原來肥馬呢位女婿踏入新一年，即刻有新搞作，拍住鄭文輝醫生，喺中環娛樂行開設「全仁醫學診斷中心」，星期六（14日）下午舉行開業茶會，邀請各界友好光臨。
八方睇過主禮嘉賓名單，真係星光熠熠。肥馬當然要出席支持女婿啦，食物及衞生局局長高永文亦好畀面，親自到場支持，更厲害嘅係名醫雲集。
八方睇過主禮嘉賓名單，真係星光熠熠。肥馬當然要出席支持女婿啦，食物及衞生局局長高永文亦好畀面，親自到場支持，更厲害嘅係名醫雲集。
開幕兼搞核心價值決志
雖然標準工時委員會主席嘅身份深入民心，但唔好忘記梁智鴻都係醫生，外號「金刀梁」嘅佢到時都會現身；港大醫學院院長梁卓偉亦會捧場，連久未公開露面嘅港大醫學院內科學系榮休教授楊紫芝，都會現身。連同現屆醫學界立法會議員陳沛然及香港耀能協會主席梁乃江教授，7位主禮嘉賓人氣指數爆燈，據聞仲會逐一為中心所持嘅七個核心價值搞簽署決志儀式。
咁呢個診斷中心有乜咁特別？據聞除咗有先進尖端嘅醫療儀器，仲特設全港獨有嘅女士專區，提供醫學影像診斷同身體檢查服務。
咁呢個診斷中心有乜咁特別？據聞除咗有先進尖端嘅醫療儀器，仲特設全港獨有嘅女士專區，提供醫學影像診斷同身體檢查服務。