特首梁振英最後一次嘅施政報告答問大會，最終喺梁國雄同劉小麗先後被趕離場，場面混亂下休會收場。休會之後，八方見到醫學界陳沛然Pierre匆匆趕至，得悉冇得開會一臉無奈。
咪以為佢太hea而遲到，查實佢朝早喺醫院幫病人做胃鏡檢查時，其中一位病人胃潰瘍出血，要由佢幫病人止血而遲咗返立會。去立法會途中，佢仲喺facebook話坐緊電車返立會，邊估到一返到就散場，連名都點唔到咁陰功豬！
八方問過佢，佢話有準備Question，到底問乜？佢話：「不要提了，十分傷心」，然後好阿Q咁話：「古語有云，『賠了夫人又折兵』。今天的我，『賠了報到又折Q』」。識得講笑，證明無事！