立法會財委會噚日傾下屆問責官員加人工，唔使估都知梗係好大反彈啦，事關3司12局合共15人之中，有一位教育局局長叫做吳克儉，單係佢一個已經成為反對加人工嘅一大理由。當然有建制派就搬民望高嘅食衞局局長高永文出嚟，但係隨即俾醫學界陳沛然用妙論擊倒。
陳沛然話高永文確實係做得好嘅局長，但絕對唔係做得最好嗰個，因為單單搞唔掂醫委會改革就足以要佢下台，更甚嘅係高永文民望高「某程度上同佢嘅姓氏有關」。此話何解？陳沛然接住話「即係講民望就叫有個高字！」認真犀利，估唔到陳沛然講嘅時候相當嚴肅，但原來係一個爛gag，陳醫生好波！