噚日朝早迎新，唔少有正職嘅新議員趕頭趕命，好似醫學界陳沛然，來回醫院又折返立會。噚日佢早咗半個鐘到簡介會現場，中途離場去醫院，其後又現身立法會，晏晝1點再去醫院，兩點又再返立法會繼續上堂。
行18分鐘返律敦治
八方問過陳沛然，佢話做議員前每星期喺醫院工作近60粒鐘，𠵱家每星期工作18小時。佢當選後發覺喺灣仔律敦治醫院工作有優勢，因為近立法會，有時行去仲快過坐電車。佢話平日係搭電車多㗎，因為揸車會塞車，試過塞咗20分鐘，自己行過去醫院都只需要18分鐘。
佢噚日中途趕返醫院，因為約咗病人覆診，唔想病人調動，短短個幾鐘，佢話睇咗兩個症兼巡埋病房，笑言「唔使急，最緊要快」。
陳沛然仲幫缺席率高嘅前任界別議員梁家騮講說話，話騮哥以前醫院喺沙田，其後轉做私家病院，好難抽時間開會，所以自己都唔轉去私家，費事趕客。雖然獲邀加入建制派WhatsApp群組，但佢話暫時冇乜特別嘢睇，覺得呢個群組係核心外圍，應該仲有個核心內圍群組，而群組家陣講無聊嘢多，轉載下啲報紙報道，唔信有秘密講，自己多數做CD-ROM，只讀不回。
佢噚日中途趕返醫院，因為約咗病人覆診，唔想病人調動，短短個幾鐘，佢話睇咗兩個症兼巡埋病房，笑言「唔使急，最緊要快」。
陳沛然仲幫缺席率高嘅前任界別議員梁家騮講說話，話騮哥以前醫院喺沙田，其後轉做私家病院，好難抽時間開會，所以自己都唔轉去私家，費事趕客。雖然獲邀加入建制派WhatsApp群組，但佢話暫時冇乜特別嘢睇，覺得呢個群組係核心外圍，應該仲有個核心內圍群組，而群組家陣講無聊嘢多，轉載下啲報紙報道，唔信有秘密講，自己多數做CD-ROM，只讀不回。