泛民專業人士組成的專業議政昨日舉行傳媒新春團拜，仲叫埋無黨派的醫學界陳沛然（Pierre）出席。Pierre與專業議政向來有不少交集，不過他說暫時未有打算加入，話感受到大家的誠意，但都係維持現狀比較好。
會計界梁繼昌（Kenneth）形容同Pierre的關係是「穩定的男女朋友關係」，有好多合作空間，但又毋須時時走在一起，未去到談婚論嫁階段。Kenneth話，專業議政處於Open relationship（開放式關係），不單止Pierre，所有理念相同的議員都可以加入。資訊科技界莫乃光就話，「成日約Pierre食飯，拖佢手仔」，但就唔知點解遲遲不願接受邀請。