(蘋果) 隔牆有耳： 陳沛然聞白鴿嬲豬

連結 Link

 

陳沛然噚日上載同100歲婆婆慶祝生日嘅相，笑言唔係選舉廣告。

今日報名參加立法會醫學界功能組別嘅公共醫療醫生協會前會長陳沛然（Pierre）一向係鍵盤戰士，佢噚日喺facebook上載同100歲生日嘅婆婆合照，相中只佢着住件墨綠色Polo恤，有朋友話係白鴿黨嘅綠，Pierre立即回應「白鴿黨不是醫生的朋友」，莫非Pierre嬲緊民主黨之前喺立法會討論醫委會改革時支持政府方案？
八方問Pierre係唔係專登着白鴿黨綠？佢笑稱衫嘅嘢嚟嚟去去都係嗰幾隻色，着紫色又俾人話係大狀黨，強調係普通生活照，唔係競選廣告。
佢今日會喺助手、太太同3歲半細女陪同下報名參選立法會。佢話一向低調，唔會有人站台，做私家醫生嘅太太會幫手拉私家醫生票，果然夫妻同心。