隔牆有耳：黑面娥特舌戰進擊的毛姨

Link

特首林鄭月娥噚日約見立法會議毛孟靜（毛姨）同醫學界代表陳沛然諮詢施政報告意見。毛姨會後話到佢發言時，娥特就黑面，連陳醫生會後都問：「點解佢（林鄭）面色轉得咁快？」
究竟毛姨問咗乜搞到娥特面黑？毛姨話一開場就問娥特幾時重開公民廣場？引述娥特話：「大家預咗係開㗎啦，唔使擔心」，又問對方有冇同律政司討論起訴社運人士？娥特不置可否，只話《基本法》講明香港司法獨立，好多時判決有懲戒作用，而法庭重判十幾名社運人士「冇政治成份」。
毛姨再進擊，問娥特委任教育局副局蔡若蓮時點解話唔需要將劉曉波事件放入國教？引述娥特反寸：「今日要講劉曉波嘅故事，係咪聽日又要講林子健個故事？」毛姨批評將兩件事比較係非常不當，指娥特「補鑊」稱：「我隨口講啫。」