(蘋果) 隔牆有耳： 葉劉覺醒 孖黨友撐公平選舉

Link

民主派議員姚松炎噚日食正特首選舉熱潮，喺立會提出「確保行政長官選舉公正進行」動議，促請中央政府所屬各部門不得干預特首選舉。早前喺西環打壓下，新民黨葉劉淑儀未能入閘選特首後，就表明不再盲撐政府，噚日坐言起行，同黨友兼「西環新契女」容海恩、以及「西環契仔」謝偉俊齊齊投票支持姚松炎動議，仲激過投棄權嘅醫學界議員陳沛然！
至於由公民黨黨魁楊岳橋提出嘅「加料」修訂，即促請特別政府密切監察是次選舉過程，如發現有中央官員及相關人士干預選舉，須在選舉後向立會匯報，更獲葉劉、容海恩、謝偉俊同陳沛然4人支持！可惜最終喺建制派大部份議員反對，未能喺功能組別通過下，都係難逃被否決嘅命運。